मानव स्वरुपबाट ६० सेकेण्ड मै स्पोर्टस कारमा बदलिने अनौठो रोबोट (भिडियो सहित)


जापानमा हालै एउटा यस्तो अत्याधुनिक रोबोट तयार गरिएको छ जो मात्र ६० सेकेण्डमा कारमा परिणत हुन्छ । हलिउड फिल्म ट्रान्सर्फमरमा देखाइएका जस्तै रोबोट जापानी वैज्ञानिकहरुले यथार्थमा निर्माण गरेका छन् ।

जापानमा बनेको यो रोबोट ६० सेकेण्डमै मानव स्वरुपबाट स्पोर्टस् कार र पुनः मानव स्वरुपमा आउन सक्दछ । राजधानी टोकियोमा आयोजित एक समारोहमा यो रोबोटको प्रदर्शनी गरिएको हो । यो रोबोट साढे ३ मिटर अर्थात् १२ फिट लामो छ । यसको नाम जे डाइट हाफ हो । कारको रुपमा चाहीँ यो ४ मिटर अर्थात् १३ फिट लामो हुन्छ ।

यो रोबोट मान्छे जस्तै हिड्न सक्दछ भने कारमा बदलिएको बेला ६० किलोमिटर प्रतिघण्टाको गतिमा गुड्न सक्दछ । कार दुई सिटर हुन्छ । रोबोटको रुपमा चाहीँ यो प्रतिघण्टा १ सय मिटर मात्र हिड्न सक्दछ ।

यस रोबोटको निर्माण जापानी इन्जिनियर तथा ब्रेभ रोबोटिक्सका सिइओ केनजी इशिडाको अगुवाइमा भएको हो । उनी आफैपनि एनिमेसन फिल्ममा शौखिन हुन् । एजेन्सी

प्रकाशित मिति   :